नेपालमा मातृ भूमि सेवा यात्रा सञ्चालन गरिरहेको एनआरएनए नन रेसिडेन्ट नेपाली एशोसिएसनले छैठौ शृंखला सम्पन्न गरेको छ। एशोसियसनले नेपालस्थित देउराली फाउन्डेसन मार्फत देबघाटमा अवस्थित रामजानकी गार्गी कन्या गुरुकुलममा अध्यनरत ५३ जना छोरीहरुलाई कुर्ता सुरवाल ,कापी लगायतका शैक्षिक सामाग्रीहरु र पानी खाने कप वितरण गरेको हो । फाउन्डेसनका तर्फबाट बरिष्ठ पत्रकार भीम घिमिरेले यी सामग्री हस्तान्तरण गर्दै संस्कृत भाषाको रक्षा र प्रबर्धनको लागि गुरुकुलले खेलेको भूमिकाको प्रसंसा गरेका थिए ।

गुरुकुलका प्रधानाध्यापक खिम नाथ चालिसेले बिद्यालयको बर्तमान अवस्था र भाबी योजना बारे जानकारी दिए । नेपालको एक मात्र समाबेसी यस गुरुकुलमा सबै जाति समुदायका छोरीहरु अध्यन गरिरहेका छन् । परदेशमा बस्ने नेपालीहरुको साझा तथा परोपकारी संस्था एनआरएनए नन रेसिडेन्ट नेपाली एशोसीएसनले बिद्यालय जाने गरिब तथा जेहेन्दार बिद्यार्थीहरुले  कापी कलमको अभाबमा स्कुल छोड्न नपरोस भनि यो अभियान चलाएको हो। एशोसीएसनले हाल सम्म नेपालका एक हजार बालबालिका लाइ कापी कलम वितरण गरि सकेको छ।